បេសកកម្ម
របស់យើង

បទពិសោធន៍របស់យើងក្នុងការជួយសង្គ្រោះក្នុងគ្រាមានអាសន្នបន្ទាប់ពីព្យុះស៊ីក្លូន Nargis ក្នុងប្រទេសមីយ៉ាន់ម៉ា ការរញ្ជួយដីដ៏ធំនៅប្រទេសជប៉ុនខាងកើត និងព្យុះទីហ្វុង Haiyan ក្នុងប្រទេសហ្វីលីពីនបានបង្រៀនយើងយ៉ាងច្រើន។

ក្នុងឆ្នាំ ២០១៤ Japan Heart បានចាប់ផ្តើមគម្រោងជំនួយសង្គ្រោះបន្ទាន់អន្តរជាតិ ឬ iER ក្នុងក្តីសង្ឃឹមថានឹងប្រើប្រាស់ការយល់ដឹង និងចំណេះដឹងដែលយើងទទួលបាន។

នៅពេលគ្រោះមហន្តរាយកើតឡើង Japan Heart នឹងបញ្ជូនក្រុមជំនួយផ្នែកវេជ្ជសាស្រ្ត ដើម្បីឆ្លើយតបទៅនឹងគ្រោះមហន្តរាយទ្រង់ទ្រាយធំនៅក្នុងប្រទេសជប៉ុន និងតាមបណ្តាប្រទេសអាស៊ាន ដើម្បីជួយដល់ប្រជាជនឱ្យបានច្រើនតាមដែលអាចធ្វើទៅបាន។

យើងក៏កំពុងអនុវត្តការបណ្តុះបណ្តាលរួមគ្នាជាមួយប្រទេសឥណ្ឌូនេស៊ី និងសមាជិកអាស៊ានដទៃទៀត ដើម្បីបង្កើនកិច្ចសហប្រតិបត្តិការ និងការកសាងបណ្តាញជាប្រព័ន្ធជាមួយអង្គការសម្ព័ន្ធ ដើម្បីផ្តល់ការគាំទ្រប្រកបដោយប្រសិទ្ធភាព និងឆាប់រហ័សក្នុងគ្រាមានគ្រោះមហន្តរាយ។