ពួកយើងត្រូវការជំនួយពីអ្នក
ដើម្បីរក្សាស្នាមញញឹមរបស់កុមារ។

ពេលវេលាសម្រាប់ចាប់ផ្តើមជំពូកថ្មី!

អង្គការបេះដូងជប៉ុន គឺជាអង្គការសុខាភិបាលសប្បុរសធម៌មិនមែនរដ្ឋាភិបាលដែលបានបង្កើតឡើងដោយជនជាតិជប៉ុន។ “មជ្ឈមណ្ឌលព្យាបាលកុមារបេះដូងជប៉ុន” ស្ថិតនៅ ឃុំវិហារហ្លួង ស្រុកពញាឮ ខេត្តកណ្តាល។ មន្ទីរពេទ្យយើងបានដំណើរការផ្តល់សេវាវេជ្ជសាស្ត្រតាំងពីឆ្នាំ២០១៦ ហើយយើងផ្តោតទៅលើការព្យាបាលជំងឺកុមារ។

 

អង្គការបេះដូងជប៉ុននឹងបើកដំណើរការមន្ទីរពេទ្យទី២​របស់ខ្លួននៅក្នុងប្រទេសកម្ពុជាមានឈ្មោះថា “មជ្ឈមណ្ឌលព្យាបាលកុមារអាស៊ីបេះដូងជប៉ុន” ស្ថិតនៅក្រុងតាខ្មៅ ខេត្តកណ្តាលក្នុងឆ្នាំ២០២៥។

​

កាលពីខែមិថុនា​អង្គការបេះដូងជប៉ុនបានប្រារព្ធខួបទី៥ឆ្នាំ ដែលអង្គការយើងបានចាប់ផ្តើមព្យាបាលជំងឺកុមារមហារីកនៅក្នុងប្រទេសកម្ពុជា។

ក្នុងចំណោមប្រភេទផ្សេងៗនៃជំងឺមហារីកកុមារ មន្ទីរពេទ្យយើងមានឯកទេសព្យាបាលលើដុំសាច់ដូចជា neuroblastoma (មហារីកកោសិកាសរសៃប្រសាទ) hepatoblastoma (មហារីកកោសិកាថ្លើម) ជាដើម។

 

ពួកយើងជាក្រុមមួយដែលមានទាំងគ្រូពេទ្យ កម្ពុជា និងជប៉ុន ព្រមទាំងអ្នកជំនាញផ្នែកផ្សេងៗក្រៅពីវេជ្ជសាស្រ្ដបានត្រៀមខ្លួនរួចជាស្រេចក្នុងការបើកដំណើរការមន្ទីរពេទ្យថ្មីហើយគោលបំណងរបស់ពួកយើងគឺដើម្បីឈានទៅដល់ការជួយសង្គ្រោះជីវិតកុមារឲ្យរួចផុតពីជំងឺមហារីកឲ្យបានច្រើនតាមលទ្ធភាពដែលយើងអាចធ្វើទៅបាន។